Segurtasunari eta Autobabesari buruzko deliberazio-prozesuaren Aktibazio Foroaren hurrengo saioa urriaren 15an, osteguna, 18:00etan egingo da, Gipuzkoako Foru Aldundian.

Topaketa honek hausnarketa partekaturako gune bati hasiera emango dio, funtsezko galdera bati heltzeko: nola eraiki ditzakegu ingurune seguruagoak, erresilienteagoak eta egungo zein etorkizuneko arriskuei eta erronkei aurre egiteko prestatuagoak?

Saio parte-hartzailea izango da, elkarrizketa sustatzeko, askotariko esperientziak eta ikuspegiak partekatzeko eta Gipuzkoako herritarren segurtasuna, prebentzioa eta arrisku-egoerei erantzuteko gaitasuna indartzen lagunduko duten proposamen zehatzak identifikatzeko diseinatua.